Суруллубукка эргиллэн: Киһи эрэлинэн олорор…

Бөлөххө киир:

«Эрэлим сүтэ илигинэ 37 сааспар өлөн эрэбин” диэн биһиги хаһыаппытыгар Уус Маайа олохтооҕо Семен Находкин кыһалҕатын туһунан былырыын суруйан турабыт.

Эрэлим сүтэн эрэр… өлөн эрэбин… 37 сааспар…

Ааспыт ыйга Семен Находкин ийэтин кытта өр туруулаһан, эккирэтиһэн Дьокуускай куоракка санрейсинэн көрдөрө кэлбиттэрэ. Ол эрээри кэлбит күннэригэр кинилэр хонор сирэ суох хаалбыттара. СӨ киһи быраабыгар боломуочунайа Сардаана Гурьева бу дьыалаҕа ылсан, Семен Национальнай мэдиссиинэ киинигэр көрдөрүнэ киирэр кыахтаммыта.
Биһиги бүгүн Уус Маайа олохтооҕо Семен Находкин  уопсай туруга хайдаҕын сурастыбыт:
— Мин мэдиссиинэ киинин нейрохирургия салаатыгар киирбитим. Манна МРТ түмүгүнэн сиһим уҥуоҕар уонна моонньубар киста баарын буллулар. 2019 сыллаахха, оруобуна эмиэ маннык кисталары булан, Новокузнецкай куоракка эпэрээссийэлээбиттэрэ. Арааһа үчүгэйдик оҥорботох буоллахтара дуу, онон хос оҥорор буоллулар. Онон быраастарым бу эпэрээссийэни оҥоруон сөптөөх Арассыыйа федеральнай килииникэлэригэр сурук ыыттылар. Өскөтүн, бу эпэрээссийэ оҥоһуллубатаҕына, туругум өссө мөлтүүр чинчилээх. Бу кииҥҥэ эмтэнэр кэммэр миигин урологияҕа көрөн, хабахпар таастар баалларын булан хостоотулар. Реанимацияҕа сытан өлө сыспытым. Аһары улахан таастары хостоотулар. Дьиҥэ, балыыһаттан бэҕэһээ тахсыахтаах этим, ону туругум мөлтөх.  Бүгүн таһаараллар, салгыы ханна, хайдах хонон-өрөөн сылдьарбыт тыын боппуруос. Арассыыйа килииникэлэриттэн ыҥырыы күүтүөхпүт. Арааһа манна, Дьокуускайга олорон күүтэрбит дуу. Дойдубар тиийдэхпинэ, айаннаан кэлэр уустуктардаах буолуоҕа. Мэдиссиинэ киинин үлэһиттэригэр махтанабын, хабахпыттан таастары ылан арыый чэпчээбит курдукпун..., — диэн кэпсээтэ.

Ульяна ЗАХАРОВА.

+1
0
+1
0
+1
0
+1
0
+1
0
+1
0
+1
0