«Пути великих свершений» документальнай киинэ бастакы чааһа сүрэхтэннэ

Бөлөххө киир:

Бэҕэһээ, бэс ыйын 2 күнүгэр, Дьокуускайга А.Е.Кулаковскай аатынан Норуоттар доҕордоһууларын дьиэтин киинэ саалатыгар «Пути великих свершений» («Улуу сырыылар суолларынан») документальнай киинэ бастакы чааһын «Дойти до края. Сибирский континент» киинэни көрдөрүлэр.

Киинэ Саха АССР тэриллибитэ 100 сылыгар ананна. Манна 40 сыл усталаах географическай арыйыылар, итиэннэ 1632-1672 cылларга нуучча норуота Семен Дежневунан сирэйдээн Сибиири уонна Уһук Илини арыйыытын туһунан көрдөрүлүннэ.

Киинэни көрөөрү уопсайа 400 киһи муһунна. Тэрээһин бүтүүтэ бырайыак салайааччыта Георгий Никонов көрөөччүлэр үгүс ыйытыыларыгар хоруйдаата. Дьон үксэ киинэ салгыы уһулларын дуу, суоҕун дуу ыйыталаста. Маны сэргэ, үгүс махтал тыл уонна баҕа санаа этилиннэ.

Бэлиэтээн суруйдахха, киинэ иккис чааһа Витус Беринг эспэдииссийэтигэр ананыаҕа. Маны таһынан, бу күн талааннаах хаартыскаҕа түһэрээччи Сюзанна Седалищева «Ааллаах Үүн таһаҕасчыттара» тус быыстапката туран, бар дьон болҕомтотун тарта. Бу хаартыскаларга талааннаах норуот маастара, иистэнньэҥ Изабелла Элякова тикпит таҥастарын тыа дьоно кэтэн хаартыскаҕа түһэн, сүрүн дьоруойдарынан буолбуттара.

Георгий Никонов «Улуу сырыылар суолларынан» бырайыагын туһунан сиһилии ааҕыҥ:

Георгий Никонов: «Улуу сырыылар суолларынан» бырайыак сайда туруоҕа

Ульяна ЗАХАРОВА.