Хаҥалас улууһуттан төрүттээх альбинос кыыһы — Нарыйа Иванова хаартыскатын Арассыыйа таһымнаах adme.ru сайтка таһаарбыттар. Бу сайт сонуннарын биир ый иһигэр 17 мөлүйүөн киһи ааҕар, онон Интернет ситимигэр биир саамай биллэр сайтынан буолар. edersaas.ru
Нарыйаны «Если вы когда-нибудь задумывались, как выглядят альбиносы разных рас, то, собственно, вот так» диэн матырыйаалга киллэрбиттэр. Манна аан дойду араас муннугуттан 23 альбинос дьон хаартыскатын таһаарбыттар.
Ыспыраапка
“Альбинизм” – тириини, баттаҕы, хараҕы кырааскалыыр меланин диэн пигмент (кырааска) суох буолуута. Меланины оҥорон таһаарар фермент үлэлээбэтиттэн үөскүүр. Тоҕо үлэлээбэт буолан хааларын учуонайдар быһаара иликтэр. Күн сардаҥаларыттан харыстыыр пигмент суох буолан, бэрт түргэнник күҥҥэ быһыта сиэтиэхтэрин сөп. Харахтарыгар эмиэ буортулаах. Онон харыстана сылдьыахтаахтар.
«Аlbeus» диэн латинскай тылтан тахсыбыт, суолтата «маҥан” диэн. Кыылларга эмиэ альбиностар баар буолаллар. Көтөрдөргө, кыылларга, оннооҕор балыктарга, үөннэргэ бааллар.
Европаҕа 20 тыһыынча киһиэхэ биир үп-үрүҥ тириилээх, баттахтаах, кыһыллыҥы харахтаах киһи баар. Тоҕо эрэ Африкаҕа, Панамаҕа альбиностар элбэхтэр – Нигерияҕа 3 тыһыынча киһиттэн, Панама индеецтэригэр 123 киһиттэн биирэ үрүҥ буолар эбит. Арай, азиаттарга аҕыйах буолаллар. Соччонон ураты көстүү, айылҕа дьиктитэ! edersaas.ru
Нарияна туһунан сиһилии манна ааҕыҥ:
Үс альбинос-дьүөгэлэртэн биирдэстэрэ