Өлөрүөхсүт ийэ дьыалата суукка барда (ВИДЕО)

Ааптар: 
Бөлөххө киир:

Бу иэдээннээхэй быһылаан туһунан биһиги сайтпытыгар кулун тутар 20 күнүгэр «Ыарыһах ийэ оҕотун өлөрдө» диэн матырыйаалга суруйбуппут — психическэй ыарыылаах ийэ оҕотун суорума суоллаабыта.

edersaas.ru


РФ Силиэстийэлиир кэмитиэтин Саха сиринээҕи управлениета иһитиннэрбитинэн, бу дьыл кулун тутар 16 күнүгэр киин куорат Хабаров уулуссатын 27/4 дьиэтин таһыгар 38 саастаах дьахтар бэйэтин 9 саастаах кыыһын уонна дьүөгэтин 7 саастаах кыыһын кытта дьаарбайа сылдьан, оҕолору гараастарга аҕалбыт.

Онно тиийэн, суумкатыттан тимир чыскыны таһааран, бэйэтин кыыһын бүттэтэ суох кэйгэллээн баран, тимир гараас анныгар кистээбит.

Ол өлөрөн баран, — 18 кыраадыс тымныыга аны дьүөгэтин оҕотун сонун уонна атаҕын таҥаһын устубут итиэннэ эмиэ чыскынан уонна илиитинэн хаста да төбөҕө, этигэр-сиинигэр охсубут. «Таҥараны итэҕэйэҕин дуо?» диэн ыйытыыга оҕо эрэйдээх «итэҕэйэбин» диэн хоруйдаан быыһаммыт.

Салгыы оҕону кытта аттынааҕы маҕаһыыҥҥа баран, онтон такси ыҥыран, кыыһы дьиэтигэр илдьибит.

Бу чахчынан «кыра саастаах оҕону өлөрүү» ыстатыйанан холуобунай дьыала тэриллэн, силиэстийэлэнэн бүтэн, суут көрүүтүгэр барбыт.

Силиэстийэ кэмигэр судебнай психолого-психиатрическай экспертиза ыытыллан, бу дьахтар психическэй ыарыылааҕа биллибит.

Оттон оҕону профилактика уорганнара маннык ыарыылаах киһиэхэ тоҕо итэҕэйэн сырытыннарбыттарын силиэстийэ салгыы быһаарыаҕа.

Биһиги корр., «Саха сирэ» хаһыат, edersaas.ru

Хаартыска: РФ СК Саха сиринээҕи управлениета.

+1
0
+1
0
+1
0
+1
0
+1
0
+1
0
+1
0