Иэдээннээхэй быһылаан Дьокуускай куоракка кулун тутар 16 күнүгэр таҕыста — психическэй ыарыылаах ийэ оҕотун суорума суоллаата.
Ол курдук, РФ Силиэстийэлиир кэмитиэтин Саха сиринээҕи управлениета иһитиннэрбитинэн, бу дьыл кулун тутар 16 күнүгэр киин куорат Хабаров уулуссатын 27/4 дьиэтин таһыгар 38 саастаах дьахтар чыскынан 9 саастаах оҕотун бүттэтэ суох кэйгэллээн баран, тимир гараас анныгар кистээбит.
Бу чахчынан «кыра саастаах оҕону өлөрүү» ыстатыйанан холуобунай дьыала тэриллибит.
Кулун тутар 18 күнүгэр бу ийэ буолуохсут силиэстийэ кэмигэр хаайыллыбыт.
Силиэстийэ сабаҕалыырынан, бу дьахтар психоневрологическай диспансерга учуокка турар эбит.
Олох көрдөрөрүнэн, дьыала суукка тиийдэҕинэ, психическэй ыарыылаах буруйдаахтар күһэлэҥ эмтээһиҥҥэ ууруллаллар.
Оттон оҕону маннык ыарыылаах киһиэхэ тоҕо итэҕэйэн сырытыннарбыттарын силиэстийэ быһаарыаҕа, ол түмүгэр, миэрэ ылыллыаҕа.
Биһиги корр., «Саха сирэ» хаһыат, edersaas.ru
Хаартыска: интэриниэттэн