Ас-үөл сыаната эмискэ үрдээбитин бары көрө-билэ сылдьабыт. Бурдук, саахар, үүнээйи арыытын сыаната кууһунан атыылыыр маҕаһыыннарга эмиэ ыараата. Онтон «Сайсары» бааһынай ырыынагар быһыы-майгы хайдаҕый? Бүгүҥҥү сыананы былырыыҥҥы олунньу ыйдааҕы сыананы кытары тэҥнээн көрдүбүт.
Бастаан отон, клубника, моонньоҕон сыанатын көрүөххэ.
Олохтоох отон сыаната 450 сокуобай. Кэлии арыый чэпчэки. Моонньоҕон сыаната арай үрдээбит.
Салгыы эт сыанатын көрөбүт.
Убаһа этэ бу кыһыҥҥыттан үрдээбитин бары билэбит. Бу туһунан былырыын сэтинньигэ эмиэ суруйбуппут. Сэтинньи саҥата ырыынакка сылдьарбытыгар Чурапчы Болтоҥотун убаһатын этин биир киилэтин 1 500 солкуобайга атыылыыллар этэ. Суол сабыллан турар буолан итиэннэ идэһэ кэмэ саҥа саҕаланан, сыаналарын ботуччу үрдэппит кэмнэрэ этэ.
Амматтан аҕалыллыбыт биир киилэ ынах этин 550 солкуобайтан саҕалаан 700 солкуобайга диэри атыылыыллар. Ырыынакка кэлии эт көстүбэккэ дылы.
Таба этэ 550-600 солк. атыыланар. Биэ этэ 500 солк. саҕалаан 1000 солк. диэри.
Балык сыаната араастаһар. Элбэҕэ да бэрт.
«Сайсары» ырыынакка эт, үүт, балык, отон сыаната дьыл кэмиттэн тутулуктаах. Хайа эрэ кэмҥэ үрдүүр, ханнык эрэ кэмҥэ арыый намтаан ылар.
edersaas.ru