Дьокуускайга дьиэни-уоту тутуу былаан быһыытынан барар. Холобур, ДСК оройуонун эргин 2028 сылга диэри элбэх кыбартыыраалаах, хастыы да мэндиэмэннээх 13 дьиэни дьэндэтэн таһаарар сорук турар. Балары инньэ Сэбиэскэй саҕаттан үлэлээн, атаҕар бигэтик турбут ДСК тутар.
Тэрилтэ генеральнай дириэктэрэ Александр Дереповскай: «Бүгүҥҥү күҥҥэ 30-с кыбаарталга элбэх кыбаарталлаах дьиэни тута сылдьабыт. 2023 сылга Леваневскай уулуссатыгар саҥа дьиэни тутан үлэҕэ киллэриэхпит. Бу иннинэ Полина Осипенко уулуссатыгар 451 кыбартыыралаах икки дьиэни тутан үлэҕэ киллэрэри ситиспиппит», — диэн иһитиннэрэр.
Кэлиҥҥи кэмҥэ ДСК улуустары кытары күүскэ үлэлиир. Уус Маайаҕа быйыл хаарбах дьиэттэн дьону көһөрүү бырагырааматын чэрчитинэн саҥа дьиэлэр тутуллан үлэҕэ киирдэхтэринэ, 165 киһи малааһынныаҕа. Ленскэйгэ тоҕус мэндиэмэннээх дьиэни тутарга матырыйаалын эрдэттэн тиэйэн эрэллэр.
ДСК собуотугар оҥоһуллубут панел-эркиннэринэн сотору Бүлүүгэ уонна Белай Гораҕа элбэх кыбартыыралаах дьиэлэри тутуу саҕаланыаҕа. Тэрилтэ билигин нэдиэлэҕэ ортотунан 1250 туонна сыбаайаны, тутууга аналлаах атын да матырыйааллары оҥорор.
Андрей Тарасенко: «Суолга туһаныллар матырыйааллары Саха сиригэр оҥоруохха»
Александр Тарасов, «Саха сирэ» хаһыат