Зырянкаҕа култуура-успуорт комплекса тутуллан бүтэн эрэр.
Үөһээ Халыма олохтоохторо, успуорду, култуура тэрээһиннэрин сэргиир, сөбүлүүр дьон, Зырянкаҕа бу саҥа тутуу үлэҕэ киирэрин долгуйа күүтэллэр. Бу туһунан «Колымские новости» хаһыакка суруйбуттар диэн улуусмедиа иһитиннэрэр.
Тутуу 80% бэлэм буолбут. Билигин истиэнэтин кырааскалыыллар, линолеум тэлгииллэр. Иккис мэндиэмэҥҥэ бибилэтиэкэ, үҥкүүгэ үөрэнэр, дьарыктанар саалалар, үлэһиттэр хосторо былааннаммыттар. Ол кэнниттэн, тутааччылар салгыы бастакы мэндиэмэни оҥоруохтаахтар. Манна кэнсиэртиир сааланы оҥоруохтара, истиэнэтэ кырааскаланар, ковролин тэлгэнэр уонна кириэһилэлэри туруораллар дииллэр. Бу үлэлэр сыл бүтүүтүн диэки саҕаланыахтара диэн сабаҕалыыллар. Маны таһынан, өссө успуорт саалатын ситэриэхтээхтэр. Сайын дьиэ таһын тупсарары, успуорт былаһааккатын оҥорору былаанныыллар. Тутуу сакаасчыта «Үүнэр көлүөнэ тус сыаллаах пуондата» НКО, бэдэрээччит «Строймонтаж-2002» ХЭУо.
+1
+1
+1
+1
+1
+1
+1