Халыма өрүскэ уу таһыма үрдээн, Зырянка аэропордун көтөр-түһэр балаһатын алын кырыытын уу ылла. Порт Халыма өрүс чугаһыгар турар буолан, сыл аайы балаһа ууга барар. Сабаҕалааһын быһыытынан, Халыма өрүскэ муус ааһыар диэри, чугастааҕы үс хонукка көтөр-түһэр балаһаттан уу барыа суоҕа,
Бэлиэтээн эттэххэ, ыам ыйын 17 күнүттэн, халаан уутун куттал суох буолуутун мониторинын ыытарга анаан, Зырянкаҕа «Халыма-2» 6 №-дээх суһал бөлөх үлэлиир. 11 киһи, 1 быыһыыр тиэхиньикэ миэстэтигэр бэлэм.
«Аэропорты Севера» ФКП салалтата саахал тахсыытын куттала үөскээбэтин туһугар, Ан- 24 уонна Ан- 26 тииптээх көтөр ааллар сырыыларын тохтотор туһунан быһаарыныы ылынна. Оттон бөртөлүөт сырыытыгар хааччахтааһын суох.
«Саха сирэ» хаһыат, edersaas.ru
Хаартыска Оперштаб