Зырянкаҕа үс ый иһигэр биир туонна оҕуруот аһын хомуйдулар

Бөлөххө киир:

Зырянкаҕа 2019 сыл ортото урбаанньыт Татьяна Таванец кэргэнин Константин Гридюшколыын сыл устата үлэлиир тэпилииссэни үлэлэтэн саҕалаабыттара. Үс ый иһигэр биир туонна оҕуруот аһын хомуйдулар диэн эрэгийиэн Урбааҥҥа министиэристибэтэ иһитиннэрэр. 

«Бу тэпилииссэни арыйаары хас да сыллаах үлэни ыыттыбыт. 2016 сыллаахха улуус дьаһалтата өйөөбүтэ, биһиэхэ улахан учаастагы биэрбиттэрэ. Онтон тэпилииссэбит бырайыагын докумуонун сакаастаан оҥорторбуппут. 2017 сылтан тутуубут матырыйаалларын, тэриллэрин атыылаһан саҕалаабыппыт. 2019 сылтан, дьэ, тутуубут барбыта, ол эрээри харчыбыт тиийбэт этэ«, — диэн урбаанньыт Татьяна Таванец санаатын үллэстэр.

Харчыта тиийбэт буолан, Татьяна 2019 сыллаахха «Мой бизнес» киинтэн көмө көрдөөн, судаарыстыбаттан туох көмө баарын ыйыталаспыт уонна субсидияҕа докумуонун биэрбит. «Сыл аҥаарыгар номнуо истиэнэни туруоран, кырыыса туруорбуппут, муоста тэлгээбиппит, түннүк олордубуппут, ититии киллэрбиппит, уотун, уутун тардыбыппыт», — диэн Татьяна салгыы кэпсиир.

Татьяна кэпсииринэн, алтынньыга Зырянка олохтоохторо тэпилииссэ бастакы хомуурун боруобалаабыттар. Оттон ахсынньыга оҥорон таһаарыы туоннаҕа тиийэ улааппыт. Урбаанньыттар кэлэр сылга оҕуруот арааһын үүннэрэр былааннаахтар.

edersaas.ru

+1
0
+1
0
+1
0
+1
0
+1
0
+1
0
+1
0