Зондировщик-сөмөлүөт бүгүн илин эҥээр улуустарга үлэлиир

Ааптар: 
Бөлөххө киир:

Бүгүн, бэс ыйын 1 күнүгэр, зондировщик-сөмөлүөт илин эҥээр улуустарга үлэлиэҕэ. Бу туһунан бүгүҥҥү брифиҥҥэ СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин бастакы солбуйааччы Иннокентий Андросов иһитиннэрдэ.

«Бүгүн 11 чааска Як-42 зондировщик-сөмөлүөт Уус Алдаҥҥа көтүөҕэ, Амма өрүс төрдүнэн Таатта улууһугар сылдьыаҕа», — диэн спикер кэпсээтэ.

Кини дааннайынан, бүгүҥҥү күҥҥэ Ленскэй улууһа Иркутскай уобалаһы кытта кыраныыссатыгар 33 гектардаах сир умайа турар. Онон бүгүҥҥү күҥҥэ өрөспүүбүлүкэҕэ биир ойуур баһаара бэлиэтэммит.

Иннокентий Андросов былырыын баччаларга өрөспүүбүлүкэҕэ номнуо 118 ойуур баһаара бэлиэтэммит буоллаҕына, быйыл 17 диэн бэлиэтээн эттэ.

Ил Дархан уонна Бырабыыталыстыба дьаһалтатын пресс-сулууспата.

+1
0
+1
0
+1
0
+1
0
+1
0
+1
0
+1
0