Бэлиитикэ Сүрүн

«Знание» уопсастыба «Мир» фрегат Сири эргийэ устарын өйүүр

Илиҥҥи экэнэмиичэскэй форумҥа Арассыыйатааҕы «Билии» уопсастыба уонна Росконгресс пуондатын сөбүлэһиигэ илии баттастылар.

Сөбүлэһии 2022-2023 сс. үс мачталаах «Мир» диэн паарынан айанныыр муора аала (фрегат) Сири эргийэ айанныырын итиэннэ муораҕа сыһыаннаах Бүтүн Арассыыйа уонна Аан дойду таһымнаах холбоһуктаах дьаһаллары тэрийиигэ ананна. «Мир» Эйэ уонна Үтүө дьулуур бэлиэтэ буолан, Сири эргийэ устар айана кэлэр сылга, бэс ыйыгар Петербурга ыытыллар Аан дойдутааҕы экэниэмикэ форумун күннэригэр саҕаланыаҕа итиэннэ 2023 сылга Муора аан дойдутааҕы күнүгэр, Улуу Кыайыы 78 сылын бэлиэтээһин күннэригэр түмүктэниэҕэ.

– Арассыыйа муора улуу державата буолар, «Мир» Сири эргийэр айанын өйөөммүт биһиги эдэр ыччаттарга чинчийэр үлэҕэ интэриэһи итиэннэ бэйэ дойдутун ситиһиилэринэн киэн туттууну үөскэтиэхпит. Экспедиция бары түһүмэхтэригэр араас дьаһаллар, ол иһигэр идэтийбит моряктары кытары көрсүһүүлэр, хаартыскаларынан, видеоматырыйаалларынан интерактивнай экскурсиялар уо.д.а. тэриллиэхтэрэ, — диэтэ «Билии» уопсастыба генеральнай дириэктэрэ Максим Древаль.

– Бу сөбүлэһии быйылгы Уһук Илиҥҥи экэниэмикэ форумугар бигэргэтиллибитэ мээнэҕэ буолбатах, тоҕо диэтэххэ «Мир» парусник эһииилги Уһук Илиҥҥи экэниэмикэ форумун кэмигэр Владивосток пуордугар тиксиэҕэ, – диэтэ Росконгресс пуондатын дириэктэрин солбуйааччы, Уһук Илиҥҥи экэниэмикэ форумун дириэктэрэ Игорь Павлов. Бу туһунан ВЭФ сайта иһитиннэрэр.

Раиса Сибирякова.

0
0