Муус устар 27 күнүгэр, Саха Өрөспүүбүлүкэтин Ил Түмэнин бэрэссэдээтэлэ Александр Жирков Санкт-Петербурга Арассыыйа Пэдэрээлинэй Мунньаҕын Сокуону төрүттээччилэрин мунньаҕар сырытта.
Мунньахха сокуону төрүттээччилэр 10-ча араас боппуруоһу ырыттылар. Александр Жирков икки былаһааккаҕа Уһук Илин уонна Арктика сайдыытын туһунан сокуон бырайыактаах тыл эттэ.
Александр Жирковтан экэнэмиичэскэй буруйу оҥорооһун туһунан боппуруос ыйыппыттарыгар бу күннэргэ Саха Сиригэр Силиэстийэлиир кэмитиэт бэрэбиэркэ ыыппыт тэрээһиннэрин таарыйан эппиэттээбит.
Ил Түмэн икки норуот дьокутааттарын Александр Уаровы уонна Дмитрий Саввины «Сахаплемобъединение» тэрилтэ салайааччытыттан Степан Охлопковтан бэрик ылыыга уорбалаан Холуобунай дьыала тэрийбиттэрин туһунан Александр Жирков Саха Өрөспүүбүлүкэтин Силиэстийэлиир кэмитиэтин салайааччытыныын Александр Заболиченколыын сибээстэһэн кэпсэппит.
«Дмитрий Саввины, Александр Уаровы уонна Степан Охлопковы уруккуттан билэбин, маннык быһыыны-майгыны оҥоруохтарын сөп диэн итэҕэйбэппин. Бу дьыалаҕа хайдах баарынан быһаарсыахха наада»,-диэн Александр Жирков бэлиэтээбит.
Николай Попов, «Саха сирэ» хаһыат, edersaas.ru
+1
+1
+1
+1
+1
+1
+1