Бэҕэһээ, балаҕан ыйын 10 күнүгэр, Жатай бөһүөлэгэр иэдээн таҕыста. Бу туһунан СӨ Быыһыыр сулууспата иһитиннэрдэ.
Жатайга Өлүөнэ эбэ кытылыгар үс эдэр киһи сынньана сылдьыбыт. Арай икки киһи массыына иһигэр олордоҕуна, сыыһа туттуу түмүгэр, массыыналара сыыйа ууга түспүт уонна бүтүннүү тимирэн хаалбыт.
Бүгүн сарсыарда 10 чааска водолазтар массыынаны ууттан таһааран, икки киһи өлүгүн полиция үлэһиттэригэр туттарбыттар.
Быыһыыр сулууспа санатар: ыксаллаах быһыы-майгы таҕыстаҕына, бу нүөмэрдэргэ — 8 (4112) 45-90-19 уонна 40-56-22 — оперативнай дьуһуурунайга эрийэн биллэрэҕит.
Биһиги корр., «Саха сирэ» хаһыат, edersaas.ru
Хаартыскалар: СӨ Быыһыыр сулууспатын пресс-сулууспата.
+1
+1
+1
+1
+1
+1
+1