Кулун тутар 31 күнүгэр «Жатайдааҕы судоверфь» АУо «Уһук Илин сайдыытын корпорацията» АУо-ну кытары «Саха сирэ» урутаан сайдар территория (ТОР) чэрчитинэн бииргэ үлэлииргэ илии баттаста уонна ТОР резиденнэрин испииһэгэр киирдэ.
edersaas.ru
Инвестор Жатайдааҕы судоверфи саҥа технологиянан тутарга 5 млрд. солк. суумалаах, 600 үлэ миэстэтин таһаарар бырайыагы олоххо киллэриэхтээх. Санатан эттэххэ, олунньу 15 күнүгэр «Жатайдааҕы судоверфь» АУо сирин учаастагар «Саха сирэ» ТОР эрэсиимин тарҕатар туһунан Арассыыйа бырабыыталыстыбатын уурааҕа тахсан турар. Ону таһынан, Жатайдааҕы судоверфька инженернэй инфраструктураны оҥорууга федерация бүддьүөтүттэн 423,27 мөл. солк. харчыны көрөргө этиллибитэ.
«Жатайдааҕы судоверфь» АУо «Саха сирэ» ТОР испииһэгэр киириитэ элбэх кыаҕы биэрэр. Бастатан туран, нолуоктарга чэпчэтии көрүллэр итиэннэ ресурсаларынан хааччыйар хампаанньалар ситимнэригэр холбонор. Ити өрөспүүбүлүкэ уу аалларын оҥорор кыамтатын үрдэтэр бырайыак бастакы түһүмэҕэр улахан суолталаах. Сотору кэминэн Аллараа Бэстээх бөһүөлэгэр Саха сиринээҕи тырааныспар-логистика ситимин итиэннэ өрөспүүбүлүкэ арҕааҥы түбэтигэр оҥорон таһаарыыны сайыннарыыга туһуламмыт бырайыактар оҥоһуллуохтара. Ити курдук, оҥорон таһаарар экономиканы сайыннарыы бырайыактарыгар сөптөөх усулуобуйа тэриллэр диэн Үп министиэристибэтин пресс-сулууспата иһитиннэрэр.
Раиса Сибирякова, «Саха сирэ» edersaas.ru