Жатайдааҕы собуот тутуутун инвестбырайыагын форумҥа көрүөхтэрэ

Өлүөнэтээҕи  холбоһуктаах пароходствотын генеральнай дириэктэрэ Сергей Ларионов СӨ официальнай делегациятын састаабыгар Владивосток куоракка буола турар V Илиҥҥи экэнэмиичэскэй форумҥа кыттар.

edersaas.ru

Балаҕан ыйын 4 күнүгэр Ил Дархан Айсен Николаев өрөспүүбүлүкэ тырааныспарын уонна социальнай инфраструктуратын сайыннарарга, ол иһигэр Өлүөнэ өрүс нөҥүө муоста, Жатайга суудуналары тутар уонна өрөмүөннүүр собуот тутуутун инвестиционнай бырайыактарын билиһиннэрдэ.

Үрдүкү технологиялаах собуот сылга 10 өрүс суудуналарын тутуохтаах, итиэннэ эргэлэри суох оҥоруохтаах. Собуокка 700 үлэ миэстэтэ тэриллиэҕэ.

Бүгүн, балаҕан ыйын 6 күнүгэр, Жатайдааҕы собуот генеральнай дириэктэрэ Вадим Собко уонна «Газпромбаан” вице-бэрэсидьиэнэ, бааҥҥа хантараактары  оҥорор  департамент начаалынньыга Олег Мельников сөбүлэҥ түһэрсиэхтэрэ диэн «ЛОРП” пресс-сулууспата иһитиннэрэр.

«Саха сирэ», edersaas.ru