Тохсунньуттан “Земскэй учуутал” федеральнай бырагыраамаҕа кыттыыга учууталлартан докумуоннары тутан саҕалаатылар.
“Земскэй учуутал” федеральнай бырагыраама иллэрээ сылтан олоххо киирбитэ. Бырагыраама тыа сиригэр, оробуочай бөһүөлэктэргэ, куораттыы тииптээх бөһүөлэктэргэ эбэтэр 50 тыһыынчаҕа диэри нэһилиэнньэлээх куораттарга учуутал тиийбэт кыһалҕатын быһаарар соруктаах. СӨ Үөрэҕин уонна наукатын министиэристибэтин саайтыгар сурулларынан, ааспыт икки сыл устата, уопсайа, 35 квота өрөспүүбүлүкэҕэ туһаныллыбыт. Быйыл 15 квота көрүллүбүт.
Санатан эттэххэ, тустаах бырагыраамаҕа хапсыбыт учууталлар 5 сыл устата тыа оскуолаларыгар баран үлэлиэхтээхтэр. Кинилэргэ дуогабарынан 2 мөл. солк. бэриллэр.
Кыттыан баҕалаах дьон куонкурус ирдэбилин, болдьоҕун, туох докумуон наадатын, сайаапканы ханна ыытылларын, ханнык нүөмэринэн билсиллэрин сиһилии СӨ Үөрэҕин уонна наукатын министиэристибэтин саайтыгар бу ыйыллыбыт сигэнэн https://minobrnauki.sakha.gov.ru/news/front/view/id/3299700 киирэн көрүөххүтүн сөп.
edersaas.ru