СӨ Үөрэҕин уонна наукатын министиэристибэтин пресс-сулууспата иһитиннэрэринэн, “Земскэй учуутал” 2020 сыл вакансията биллибит. Барыта 19 вакансияны бигэргэппиттэр. Ханныктарый?
“Саха сирэ” хаһыат, edersaas.ru
Бэҕэһээ тустаах министиэристибэҕэ видеонан мунньах буолбута. Уопсайа, 19 вакансия бигэргэннэ диэн иһитиннэрбиттэрэ. Испииһэккэ көрдөххө, вакансиялар сүрүннээн хоту эҥэр улуустарга бааллар итиэннэ математика, физика биридимиэт учууталлара ирдэнэллэр эбит.
Вакансия испииһэгэ:
- Абый улууһун В.Н. Дохунаев аатынан Муҥурдаах орто оскуолата (математика, информатика учуутала, 28 чаас).
- Алдан оройуонун Алдан куорат 1-кы нүөмэрдээх орто оскуолата (математика учуутала, 18 чаас).
- Аллайыаха улууһун А.Г. Чикачев аатынан Чокуурдаах орто оскуолата (биология, химия учуутала, 26 чаас).
- Анаабыр национальнай улууһун Сааскылаах орто оскуолата (англия тылын учуутала, 24 чаас)
- Булуҥ улууһун Таймылыыр орто оскуолата (физика учуутала, 20 чаас).
- Үөһээ Бүлүү улууһун Боотулуу орто оскуолата (математика учуутала, 20 чаас).
- Үөһээ Халыма улууһун Зырянка орто оскуолата (физика учуутала, 18 чаас).
- Дьааҥы оройуонун Эҥэ орто оскуолата (англия тылын учуутала, 28 чаас).
- Эдьигээн эбэҥки национальнай улууһун Эдьигээн орто оскуолата (математика учуутала, 20 чаас).
- Муома оройуонун Н.С. Тарабукин аатынан Улахан Чыыстай орто оскуолата (нуучча тылын, литэрэтиирэтин учуутала, 20 чаас).
- Мирнэй оройуонун 24 нүөмэрдээх орто оскуолата (биология, химия учуутала, 18 чаас).
- Нам улууһун Көбөкөн орто оскуолата (математика учуутала, 20 чаас).
- Аллараа Халыма улууһун Н.И. Таврат аатынан Халыма национальнай орто оскуолата (биология, химия учуутала, 32 чаас).
- Ньурба оройуонун С.С. Сюльскэй аатынан Сүлэ орто оскуолата (англия тылын учуутала, 18 чаас).
- Өлүөхүмэ оройуонун Чепаево орто оскуолата (нуучча тылын, литэрэтиирэтин учуутала, 18 чаас).
- Өлөөн эбэҥки национальнай улууһун Эйик орто оскуолата (биология, химия учуутала, 18 чаас).
- Орто Халыма улууһун А.Н. Явловскай аатынан Сылгы Ыытар орто оскуолата (математика, физика учуутала, 26 чаас).
- Уус Алдан улууһун М.Н. Готовцев аатынан Танда орто оскуолата (физика, информатика учуутала, 24 чаас).
- Усуйаана улууһун Тумат орто оскуолата (математика, физика учуутала, 24 чаас).
Санатан эттэххэ, “Земскэй учуутал” бырагыраама 2020-2022 сылларга үлэлиэхтээх. Ити кэмҥэ Саха сиригэр, уопсайа, 50 квота көрүллүбүтэ. Итинтэн 2020 сылга 19 вакансия бигэргэннэ.
Сиһилии СӨ Үөрэҕин уонна наукатын министиэристибэтин сайтыгар https://minobrnauki.sakha.gov.ru/ киирэн билсиҥ.
“Саха сирэ” хаһыат, edersaas.ru
+1
+1
+1
+1
+1
+1
+1