Кулун тутар 3 күнүгэр ыччат уопсастыбаннай түмсүүлэрин «ZEMAFEST» XI -с спортивнай бэстибээлэ саҕаланна. Бу киэһэ «ZEMAFEST» былааҕа күөрэччи көтөҕүлүннэ, истиҥ эҕэрдэлэр этилиннилэр. Салгыы уоттаах-күөстээх чер-данс күрэхтэһии дохсун ытыс тыаһынан арыалланна. Бу түһүмэххэ улуустар кыайыыга дьулуурдарын, күүстээх бэлэмнэрин көрдөрдүлэр. Бары да эрбии тииһин курдук эгил-тэгил киирсэннэр, хайа хамаанда чопчу кыайарын этэр уустугурда. Күрэхтэһиини өрөспүүбүлүкэ черлидиҥҥэ федерацията сыаналаата.
Ол эрээри, күүрээннээх күрэстэһии бүтүө өссө да ыраах. Ый устата ыччат уон үс түмсүүтэ 12 араас көрүҥҥэ күөн көрсүөхтээх. Остуол тенниһигэр, дуобакка, хайыһарга, хабылыкка, хаамыскаҕа, көрдөөх стартарга, кыргыттар волейболга, уолаттар мини-футболга, киберспорка, билиини тургутар оонньууларга, видеокуонкуруска о.д.а. киирсии кытаанах буолуо диэн сабаҕалааһын баар. Тэрээһини түмүктүүр дьоро киэһэ муус устар 3 күнүгэр «Сэргэлээх уоттара» култуура киинигэр буолуохтаах.
Виолетта ПОПОВА, ZEMA пресс-киин