«Зеленая Россия» экологическай аахсыйа быйыл балаҕан ыйын 3 күнүттэн алтынньы 1 күнүгэр диэри буолар

«Кыайыы маһа»  диэн бырайыак чэрчитинэн, мөлүйүөнүнэн ааҕыллар мастар олордуллубуттар. 

2013 сылтан саҕалаан тустаах субуотунньуктарга дойдубут 85 эрэгийиэниттэн 18 мөл тахса киһи кыттыбыт.  Оттон «Зеленая Россия» аахсыйаҕа 30000 киһи кыттыыны ылбыта биллэр. Билигин бу аахсыйа көмөтүнэн мөлүйүөнүнэн киһи тахсан, мас арааһын олордоро үтүө үгэскэ кубулуйда. Бу аахсыйаҕа ким баҕарар кыттыан сөп.   Быйылгы бүтүн Арассыыйатааҕы «Зеленая Россия»  аахсыйа балаҕан ыйын 3 күнүттэн алтынньы 1 күнүгэр диэри буолар. Бары көхтөөхтүк кыттыаҕыҥ!