«ZAVOD» студия үҥкүүһүтэ Диана Егорова — LilDi олох киэҥ аартыгар үктэннэ
Бүгүн, бэс ыйын 9 күнүгэр, Диана Егорова-LilDi сокуоннай сааһын бэлиэтиир. Диана өссө кырачаан эрдэҕиттэн үҥкүүлээн дьон-сэргэ биһирэбилин ылбыта. «ZAVOD» студияны кытары аан дойду таһымнаах күрэхтэһиилэргэ, араас күөн күрэстэргэ кыттан элбэх ситиһиилэрдээх.
— Диана, бастатан туран сокуоннай сааскын туолбут төрөөбүт күҥҥүнэн истиҥник эҕэрдэлиибит! Хаһыс оскуоланы, ханнык хайысхалаах кылааһы бүтэрдиҥ?
— Махтанабын! Мин Саха гимназиятын 11 «а» гуманитарнай кылааһын бүтэрэбин
— Оскуоланы бүтэрэн, олох киэҥ аартыгар тахсан ханнык идэҕэ үөрэххэ туттарсаҕын?
— Кэккэ былааннардаахпын эрээри, билигин этэр кыаҕым суох.
https://www.youtube.com/3c57c9ca-873a-4dd6-85fc-d68e17ebb139
— Олох кырачаан сааскыттан үҥкүүлүүгүн. «ZAVOD» үҥкүү студиятыгар хаһан, хайдах кэлбиккин кылгастык кэпсээ эрэ
— Иккис кылааһы бүтэрэн эрдэхпинэ, ийэм «ZAVOD» диэн үҥкүү студиятын булбута. Эрдэттэн маннык үҥкүү студията баарын истэн билэр этэ. «ZAVOD»-ка кэлээт оҕолору кытары билсэн, тута биир тылы булбутум. Онтон ыла үҥкүү студиятыгар сылдьан саҕалаабытым.
https://www.youtube.com/38d0dfba-1a2b-4a6e-974f-af7eb100ad4b
— 18 саас хас биирдии киһи оҕо сылдьан саамай күүтэр сааһа. Сокуоннай сааскыттан тугу күүтэҕин?
— Оо, билбэтим ээ, ол туһунан толкуйдаабатаҕым.
— Инники 5 сылга тугу былаанныыгын?
— Бастакы миэстэҕэ үөрэх турар. Үҥкүү туруорааччы хореограф буолуохпун баҕарабын. Үҥкүү эйгэтигэр сайдыахпын уонна араас маастар-кылаастары биэриэхпин баҕарабын.
Надежда Ильина, edersaas.ru