Дьокуускайга инбэлииттэри үлэлэтэр «Заря» сыах иистэнньэҥнэрэ коронавирус дьаҥын бохсон, мааскалары, сыстыганнаах ыарыыттан харыстыыр анал көстүүмнэри тигэллэр.
Тэрилтэни салайар Николай Местников иһитиннэрбитинэн, манна хас күн ахсын, сарсыардаттан иистэнэр массыына тыаһа тигинээн, кыптыый тыаһа кылырдаан олорор. Ол түмүгэр, күн ахсын таҥастан үстүү хос тутан, 300-400 устуука мааскаҕа тиийэ тигэллэр. Барыта холбоон 7500 бэлэмнэниллэн, сыаната удамыр буолан, кэбэҕэстик атыыламмыт.
Биир мааска сыаната 60 солкуобай. Онон дьон хамаҕатык ылар дииллэр.
Сыах иистэнньэҥнэрэ, маны таһынан, дьаҥтан харыстыыр анал көсмтүүмү тигэллэр. 30 көстүүмү Дьокуускай куорат өрөспүүбүлүкэтээҕи балыыһатыгар тиксэрбиттэр.
Сардаана Баснаева, «Саха сирэ» хаһыат, edersaas.ru
Хаартыскалар Николай Местников тиксэриилэрэ
+1
+1
+1
+1
+1
+1
+1