«Заря» кимберлитовай туруупка саҥаттан үлэҕэ киирэн эрэр

Ааптар: 
Бөлөххө киир:

Балаҕан ыйын 9 күнүгэр Ил Дархан “Заря” кимберлитовай туруупкаҕа тиийэ сырытта. Бу Амакинскай эспэдииссийэ 1973 сыллаахха арыйбыт Марха үрэх баһыгар, Айхал хайаны байытар комбинатын аттыгар баар. Соторутааҕыга диэри тохтоон турбут “Заря” саҥаттан үлэлээн эрэ.

Сантатан эттэххэ лицензияламмыт учаастак иэнэ 378 га тэҥнэһэр, карьер дириҥэ 140 миэтирэ. Капитальнай үлэлэр 2016 сыллаахха саҕаламмытара, 2019 сыллаахха сир баайын хостооһун саҕаламмыта. 2019 сыл муус устар ыйыгар маҥнайгы кимберлитовай руда хостоммута.

2020 сыл түмүгүнэн “Заря” туруупкаттан руданы хостооһун былаана 103,1% туолан 1,7 млн кубометрга тэҥнэспит.

Коронавирус хамсыгыттан сылтаан алмаас уонна бриллиант атыыта намтаан, “Заря” карьер үлэтэ тохтоон ылбыта. Билигин аан дойду ырыынага улам уһуктан эрэринэн сибээстээн, карьер үлэтин кыралаан «тилиннэрии» барар.

СӨ Ил Дархана Айсен Николаев карьер үлэһиттэрин кытта көрсөн кэпсэттэ. Үлэһиттэр Айсен Сергеевичка уонна АЛРОСА генеральнай дириэктэригэр Сергей Ивановка Дорожнай бөһүөлэк хаарбах дьиэлэриттэн көһөрүү түргэн тэтиминэн ыытыллыбытын иһин махтаннылар. 

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0