Александра Владимировна Копцева – Босхо юридическай көмө сулууспатын дириэктэрэ, чааһынай юрист. Дьиэ-уот, сир боппуруостарыгар идэтийэр. Ону тэҥэ, дьиэ кэргэн, нолуок, үлэ боппуруостарынан дьарыктанар, туһанааччылар бырааптарын көмүскүүр.
Орто уонна үрдүк үөрэх кыһаларыгар күнүскү үөрэххэ үөрэнэр устудьуоҥкалар декретнэй босуобуйа 4 көрүҥүн ылар бырааптаахтар. Кини төлөбүрдээх үөрэххэ, эбэтэр босхо үөрэнэрэ оруола суох.
-
Хат буолан баран, эрдэ (12-с нэдиэлэҕэ диэри) учуокка турдахха, биирдэ бэриллэр босуобуйа – 917 солкуобай.
Маны үөрэнэр сиргэ деканакка оҥорторуллар.
- Хат буолууга уонна төрөөһүҥҥэ босуобуйа. Быһа холоон, 140 күҥҥэ стипендия толору кээмэйэ бэриллэр. Төлөбүрдээх үөрэххэ, эбэтэр босхо үөрэнэрэ оруола суох. Эмиэ үөрэнэр сиригэр оҥоһуллар.
- Оҕо төрөөтөҕүнэ, биирдэ бэриллэр босуобуйа – 24 471 солкуобай.
Социальнай көмүскэл управлениетыгар оҥоһуллар, кэргэнэ (эрэ) үлэлиир буоллаҕына — аҕа үлэлиир сиригэр.
- Оҕо 1,5 сааһыгар диэри бэриллэр босуобуйаҕа сайабылыанньаны 2019 сыл тохсунньу 1 күнүн кэнниттэн биэрбиттэргэ:
— бастакы оҕоҕо – 63 16 солкуобай.
— иккис уонна онтон кэлэр оҕоҕо – 9 175 солкуобай.
Бу иннинэ докумуоннарын биэрбит устудьуоҥкалар мантан кыра кээмэйи ылаллар – 4 588 солкуобай. Кыыс сайабылыанньа суруйдаҕына, академическай уоппуска биэрэр эбээһинэстээхтэр.
Бэлэмнээтэ Ангелина Васильева, «Саха сирэ» хаһыат, edersaas.ru