Горнай улууһун олохтооҕо, РФ үтүөлээх юриһа Макар Яковлев төрөөбүт дойдутугар дьоһуннаах бэлэҕи оҥордо.
edersaas.ru
Арассыыйа борокуратууратын Бочуоттаах үлэһитэ, СӨ ИДьМ Бочуоттаах үлэһитэ, Арассыыйа үтүөлээх юриһа, юстиция полковнига, АБОП генерал-майора, М.К.Аммосов аатынан ХИФУ профессора, университет юридическай факультетын «Уголовное право и процесс» кафедратын сэбиэдиссэйэ, Горнай улууһун Бочуоттаах гражданина Макар Яковлев Бэрдьигэстээххэ П.Д.Аввакумов аатынан Киин бибилэтиэкэ ааҕааччыларыгар бэйэтин 14 научнай үлэтин бэлэх уунна.
«Горнай түмсүүтэ» уопсастыбаннай тэрилтэ ытыктыыр, киэн туттар биир дойдулаахтара Ийэ дойдуга бэриниилээх буолуу сылыгар дьоһуннаах бэлэҕи оҥорбутугар истиҥ махталларын тиэртилэр. Макар Макарович гражданскай көҕө — улуус олохтооторугар үтүө холобур. Ааптар дууһатын биэрбит үлэлэрэ үүнэр көлүөнэни иитиигэ сүҥкэн кылааттарын киллэриэхтэрэ.
Елена ПОТОЦКАЯ, «Саха сирэ» хаһыат, edersaas.ru