Бэлиитикэ Маны аах

Юрий Трутнев Саха сиригэр сырыытыттан

РФ бэрэсидьиэнигэр Уһук Илин боломуочуйалаах бэрэстэбиитэлэ — вице-премьер Юрий Трутнев бу күннэргэ өрөспүүбүлүкэҕэ кэлэ сылдьан энергетика боппуруостарыгар кэккэ мунньахтары ыыппытын таһынан, баһаартан эмсэҕэлээбит Бэс Күөлүгэр, «Якутия» технопааркаҕа сылдьыбыта.

Юрий Трутнев  Саха сиригэр уот ситимэ тохтоло суох үлэлиирин хааччыйыы, энергетика экэниэмикэ бары хайысхатын сайдыытын кытары тэҥҥэ сайдан иһиэхтээҕин, онуоха инфраструктураны сайыннарыы күүскэ барыахтааҕын туһунан сүбэ мунньахха бэлиэтээн эппитэ. Чугастааҕы кэмҥэ ыраах сытар 70 поселениелар электричество уотугар холбонуохтара.
Сэтинньи 18 күнүгэр  Юрий Трутнев Ил Дархан Айсен Николаевтыын Горнай улууһун Атамай нэһилиэгэр тиийэн, олохтоохтору кытта көрсөн,  саҥа дьиэлэри көрбүтэ. Бэс Күөлүгэр баара-суоҕа үс ый иһигэр 34 толору хааччыллыылаах дьиэ тутуллубут бэлиэтиир наадалаах.
Салгыы вице-премьер  Дьокуускай технопааркатыгар сылдьан үрдүкү технологияҕа үлэһэр хампаанньалары кытары көрсүбүтэ.  2024 сылга эрэгийиэҥҥэ айти хампаанньалара икки бүк элбииллэрэ былааннанар. Онон үлэ миэстэтэ 10 тыһыынчаҕа диэри элбиэхтээх.

Вице-премьер Юрий Трутнев өрөспүүбүлүкэҕэ оробуочай сырыытын түмүгүнэн сорудахтары ссылканан http://government.ru/news/43854/ киирэн ааҕыҥ.

edersaas.ru

 

 

 

0
0
Telegram @edersaas20