Сүрүн

Юрий Трутнев: «Саха сирэ Арассыыйа эригийиэннэригэр ураты миэстэни ылар»

Убаастабыллаах Саха сирин олохтоохторо!

Эһигини Саха АССР төрүттэммитэ 100 сылынан истиҥник эҕэрдэлиибин!

Саха сирэ сирэ-уота улаханынан уонна сиртэн хостонор баайа-дуола элбэҕинэн эрэ буолбакка, Арассыыйа Федерациятыгар саамай элбэх омук түөлбэлээн олорор субъектарыттан биирдэстэринэн буолар. Биир устуоруйалаах  өрөспүүбүлүкэҕэ 129 омук дьоно эйэ-дэмнээхтик олорон, уйгулаах олоҕу уһансаллар, сайдаллар, тэнийэллэр.

Үгүс көлүөнэ дьон уһансыбыт кылаатыгар тирэҕирэн, бүгүн Саха сирэ Уһук Илиҥҥи уокуругу сайыннарар биир сүрүн киининэн буолар. Эрэгийиэн бырамыысаланнас сайдыытыгар, ВРП кээмэйэ, инвестиция уонна нолуок киириитэ улаатыыларыгар инники күөҥҥэ сылдьар. Манна Уһук Илин эрэгийиэннээҕи валововай бородууктатын 20%-на оҥоһуллан тахсар. Саха сирэ IT-өҥөнү оҥоруу кээмэйигэр дойду эрэгийиэннэрин ТОП-10 бастыҥнар ахсааннарыгар сылдьар.

Үйэлээх үбүлүөйүн өрөспүүбүлүкэ балысхан ситиһиилэрдээх көрсөр. Ол курдук, 2021 сылга чоҕу, ньиэби, гааһы, көмүһү уонна үрүҥ көмүһү хостооһуну устуоруйаҕа киирэрдии улаатыннарда.

Араассыйа Федерациятын Бырабыыталыстыбата социальнай эйгэни сайыннарыыга ураты болҕомтону уурар. «Ньыгыл субсидия» бырагыраама чэрчитинэн Саха Өрөспүүбүлүкэтигэр 13 социальнай эбийиэк – оскуола, оҕо саада, спортивнай комплекс, суол уонна инженернэй инфраструктура тутулунна уонна саҥардылынна. Эрэгийиэҥҥэ оройуоннааҕы киин балыыһалар саҥардыллаллар. Сотору кэминэн аныгы кардиологическай уонна онкологическай кииннэр аһыллыахтара, телемэдиссиинэ уонна санитарнай авиация сайдар.

“Уһук Илиннээҕи ипотека» чэпчэтии көрүҥүнэн 7 тыһыынча кэриҥэ өрөспүүбүлүкэ олохтооҕо олорор дьиэ-уот усулуобуйатын тупсарда.

Саха сирин сайдыытын стратегическай хайысхатынан үөрэхтээһин систиэмэтин иһинэн талааннаах оҕолору өйөөһүн буолар. Эрэгийиэҥҥэ сыл аайы 10-тан итэҕэһэ суох аныгы ирдэбилгэ эппиэттиир оскуола тутуллар. Манна 1956 сылтан Уһук Илиҥҥэ биир бөдөҥ Хотугулуу-Илиҥҥи федеральнай университет үлэлиир. 2011 сыллаахха Технопаарка аһыллыбыта. 2019 сыллаахха Российскай Федерация Бэрэсидьиэнин сорудаҕынан «Север» Научнай-үөрэтэр киин тэриллибитэ.

Бүгүн өрөспүүбүлүкэ саҥа үйэҕэ үктэнэр. Саха сирин бары олохтоохторугар кытаанах доруобуйаны, дьолу уонна бары үтүөнү баҕарабын!

 

РФ Бырабыыталастыбатын Бэрэссэдээтэлин солбуйааччы –

Уһук Илиннээҕи федеральнай уокурукка

РФ Бэрэсидьиэнин боломуочуйалаах бэрэстэбиитэлэ Юрий Трутнев.

 

 

 

 

 

0
0
Telegram @edersaas20