От ыйын 20-22 күннэригэр Уһук Илиҥҥи ФУо боломуочуйалаах бэрэстэбиитэлэ Юрий Трутнев Саха Өрөспүүбүлүкэтигэр оробуочай сырыытынан кэлиэ. Кини ханна сылдьара күүтүллэрий?
Сэрэдэҕэ Уһук Илиҥҥи ФУо боломуочуйалаах бэрэстэбиитэлэ Дьааҥы оройуонун халааҥҥа ылларбыт сирин-уотун көрүөҕэ, ол иһигэр Баатаҕай бөһүөлэгэр уонна Верхоянскай куоратыгар таарыйыаҕа. Халаан содулларын туоратыыга суһал мунньаҕы ыытыаҕа.
Ол кэнниттэн чэппиэргэ Саха Өрөспүүбүлүкэтин сиригэр-уотугар турбут ойуур баһаарыгар уонна халаан туругар сүбэ мунньах буолуоҕа.
Бу оробуочай сырыытын кэмигэр “Биир кэлим субсидия” уонна “Уһук Илиҥҥи концессия” нөҥүө социальнай инфраструктураны сайыннарыыга федеральнай бүддьүөттэн Арассыыйа Бырабыыталыстыбатынан көрүллэр үп-харчы суотугар социальнай эбийиэктэри тутуу хаамыытыгар анаммыт мунньах ыытыллара күүтүллэр.
#Якутия #рабочаяПоездка
Бэлэмнээтэ Женни Стрюкова
Хаартыска: СИА