Юрий Трутнев: «Хамсык тохтуу илик, онон барыта бэрт диир кэрэгэй»
Юрий Трутнев хамсык балаһыанньатын хонтуруолга тутан олорор.
Уһук Илиҥҥи онлайн-форумҥа РФ Бырабыыталыстыбатын бэрэссэдээтэлин солбуйааччы – Уһук Илиҥҥэ Бэрэсидьиэн боломуочуйалаах бэрэстэбиитэлэ Юрий Трутнев кытынна. Хамсык туһунан кэпсииригэр кини федеральнай уокурук бары эрэгийиэннэригэр сылдьыбытын эттэ.
“Эрэгийиэннэр сайаапкаларын РФ Доруобуйа харыстабылын министиэристибэтин, Минпромторг уонна Роспотребнадзоры кытта бииргэ толорорго кыһаллыбыппыт. Бу кэм устата Уһук Илин эрэгийиэннэригэр суһал көмө 300 кэриҥэ массыыната, ИВЛ 963 аппараата, харыстанар кэмпилиэктэр ыытылыннылар”, — диэтэ Трутнев.
Ону тэҥэ эрэгийиэннэргэ быһыы бастакы партиялара киирдилэр.
Юрий Трутнев хааччахтааһын түмүгэр “кыһыл зонаҕа” уопсайа 22,7 млрд солкуобай суумалаах 15 инвестиционнай бырайыак хабыллыбытын эттэ.
“Бу бырайыактары сүтэриэхпитин баҕарбаппыт,” — диэтэ вице-премьер.
СӨ Ил Дархан уонна Бырабыыталыстыба пресс-сулууспата
Бэлэмнээтэ Женни Стрюкова
Хаартыска: тустаах саайтан