Юрий Трутнев Дьокуускайга оробуочай сырыытын кардиодиспансертан саҕалаата

Кулун тутар 21 күнүгэр Арассыыйа Федерациятын бырабыыталыстыбатын бэрэссэдээтэлин солбуйааччы – Арассыыйа Федерациятын бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ Юрий Трутнев Дьокуускайга кэллэ. Кини сырыытын кардиодиспансертан саҕалаата.

Санатан эттэххэ, вице-премьер экэниэмикэҕэ көдьүүһү биэрэр соицальнай инфраструктураҕа “биир кэлим субсидияны” биэрии чэрчитинэн үбүлээһин бэриллэр эбийиэктэрин – Өрөспүүбүлүкэтээҕи кардиодиспансеры уонна 35 №-дээх уопсай үөрэхтээһин орто оскуолатын көрүөҕэ. Юрий Трутнев  IT-пааркаҕа таарыйан, резиденнэр бырайыактарын билсиэҕэ.

Маны сэргэ, өрөспүүбүлүкэ сиригэр-уотугар гааһы таҥастааһын бырайыактарыгар туһуламмыт оробуочай мунньаҕы уонна “Полярная звезда” сынньатар уонна чэбдигирдэр сылы эргиччи үлэлиир оҕо киинин” бырайыагын олоххо киллэриигэ сүбэ мунньаҕы ыытыаҕа. Вице-премьер салалтатынан Саха АССР 100 сылын бэлиэтээһиҥҥэ бэлэмнэниигэ уонна ыытыыга анаммыт тэрийэр кэмитиэт мунньаҕа буолуоҕа.

Санаайа ИВАНОВА