Юрий Трутнев: «Ас-үөл бородууктата сиэрэ суох үрдүүрүн тохтотуохха»

Ааптар: 
Бөлөххө киир:

РФ бырабыыталыстыбатын бэрэссэдээтэлин солбуйааччы – РФ бэрэсидьиэнин Уһук Илиҥҥи ФУо боломуочуйалаах бэрэстэбиитэлэ Юрий Трутнев Монополияны утары федеральнай сулууспаҕа (Арассыыйа ФАС) Уһук Илин эрэгийиэннэрин баһылыктарын кытта сыананы кэтээн көрөллөрүгэр уонна итилэр сыаналара сиэрэ суох үрдээһиннэрин таһаарбат туһугар сорудахтаата. Сорудаҕы толорууну хонтуруоллааһыны РФ бэрэсидьиэнин Уһук Илиҥҥи ФУо боломуочуйалаах бэрэстэбиитэлин аппаратыгар сүктэрдэ.

Сонуннары киэҥник тарҕатар сорох сириэстибэлэргэ сорох урбаанньыттар уонна эргиэн ситимнэрэ, ол иһигэр РФ КНР-ы кытары судаарыстыбаннай кыраныыссатын учаастактарыгар аһарар пууннар нөҥүө сырыыны быстах хааччахтааһынтан сибээстээн сыананы олоҕо суох үрдэппиттэрин туһунан суруйдулар.

Санаттахха, РФ бырабыыталыстыбатын 2020 сыл тохсунньу 31 күнүнээҕи 66 №-дээх уурааҕынан, 2019-nCoV коронавирус инфекцията тулалыыр дьоҥҥо кутталы үөскэтэр ыарыылар кэрискэлэригэр киллэрилиннэ. РФ бырабыыталыстыбата Арассыыйаҕа Кытайтан коронавирус инфекцията киириитин сэрэтэр сыалтан кэккэ дьаһаллары ылынна. Чуолаан, Арассыыйа КНР-ы кытта судаарыстыбаннай кыраныыссатын сорох учаастактарыгар ааһар пууннар нөҥүө сырыы быстах кэмҥэ хаарчахтанна уонна визата суох туристическай айаннар тохтотулуннулар.

СӨ Ил Дарханын уонна СӨ бырабыыталыстыбатын пресс-сулууспатын сайтыттан

Бэлэмнээтэ Женни Стрюкова.

+1
0
+1
0
+1
0
+1
0
+1
0
+1
0
+1
0