Юрий Трутнев: Айсен Николаев дьулуура, уопута өрөспүүбүлүкэ сайдыытыгар туһуланыаҕа...
· - Олох-дьаһах

Юрий Трутнев: Айсен Николаев дьулуура, уопута өрөспүүбүлүкэ сайдыытыгар туһуланыаҕа

Бүгүн РФ бэрэсидьиэнин Уһук Илин регионнарга боломуочуйалааҕа-вице-премьер Юрий Трутнев өрөспүүбүлүкэ сүрүн саалатыгар Ил Дархан эбээһинэһин быстах кэмҥэ толорооччу Айсен Николаевы норуот дьокутааттарыгар, уопсастыбаннаска билиһиннэрдэ. Тэрээһин Ил Түмэн сэбиэтин киэҥ ыҥырыылаах мунньаҕын чэрчитинэн ыытылынна.

edersaas.ru

Юрий Петрович бастаан РФ бэрэсидьиэнэ Владимир Путин таһаарбыт ыйааҕын аахта. Егор Борисов дойдутун туһугар туох баар сыратын, күүһүн-уоҕун, билиитин-көрүүтүн, уопутун ууран туран үлэлээбитигэр махтанна. “Бүгүн Егор Афанасьевичка махтаныахпын баҕарабын. Кини Саха сирин Ил Дарханын быһыытынан аҕыс сыл үлэлээтэ. Биһиги кинилиин урутаан сайдар сирдэри бииргэ тэрийбиппит. Ону сэргэ Егор Борисов быһаччы салалтатынан, үлэтинэн араас инвестиционнай бырагыраама олоххо киирдэ, социальнай суолталаах үгүс боппуруос быһаарылынна”, — диэн бэлиэтиир кини.
Салгыы кини балаҕан ыйыгар Саха сирин дьоно бүттүүн Ил Дархаммытын талыахпытын иһитиннэрэн туран, РФ бэрэсидьиэнэ Айсен Николаевы Ил Дархан эбээһинэһин толорооччунан анаабыта мээнэҕэ буолбатаҕын эттэ. “РФ бэрэсидьиэнэ Айсен Николаевы Ил Дархан э.т. анаата. Ити толкуйдаммыт быһаарыныы. Айсен Сергеевич 2012 с. Дьокуускай куорат баһылыгынан талыллыбыта. Өрөспүүбүлүкэ олоҕун-дьаһаҕын, кыһалҕатын үрдүттэн олорон эрэ билэр-көрөр. Мин бэйэм өттүбүттэн Айсен Сергеевичка көмөлөһүөм, өйүөм диэн тылбын биэрэбин. Кини дьулуура, кыаҕа, уопута өрөспүүбүлүкэ сайдыытыгар туһуланыаҕа диэн эрэнэбин”, — диэн эттэ.
Уонна: “Саха сирэ Россияҕа сиринэн-уотунан саамай улахан региоммут. Айсен Сергеевич, эн олус элбэх быһаарыныыны ылыныаҕыҥ, куруутун сөптөөх суолу тобуларын туһугар компас бэлэхтиибин”, — диэн Айсен Сергеевичка компас бэлэхтээтэ.

Аграфена КУЗЬМИНА, “Саха сирэ” хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

13 + два =