Юрий Трутнев Саха сирэ инвестиция национальнай рейтинигэр үрдүк кэрдиискэ тахсыбытын бэлиэтээтэ

Ааптар: 
Бөлөххө киир:

Дойду баһылыга Владимир Путин Уһук Илин эрэгийиэннэригэр инвестицияны тардыыга 30 иһигэр киирэргэ сорудахтаабытын билиҥҥи туругунан икки эрэ субъект — Саха сирэ уонна Камчатка толордулар. РФ бэрэсидьиэнин иһинэн Уһук Илин Федеральнай уокурукка  боломуочуйалаах бэрэстэбиитэлин мунньаҕар Юрий Трутнев Саха Өрөспүүбүлүкэтин баһылыгын Айсен Николаевы уонна  Камчатка  губернаторын Владимир Илюхины хайҕаата.

Владивостокка ыытыллыбыт тэрээһиҥҥэ дойду Уһук Илиҥҥи субъектарын инвестицияны тардыыга боппуруостара көрүлүннэ.
2017 сыллаахха Владимир Путин сорудаҕынан, Уһук Илин  эрэгийиэннэрэ национальнай инвестиционнай рейтиҥҥэ 30 иһигэр киириэхтээхтэр.
“Сорудах балачча уустук, тоҕо диэтэххэ, бу күрэстэһии эйгэтэ. Бары эрэгийиэннэр көрдөрүүлэрин тупсара сатыыллар. Ол эрээри соругу толоруохтаахтар. Туох-ханнык иннинэ бу губернатордар үлэлэрэ”, — диэн Юрий Трутнев бэлиэтээтэ.
Бүгүн бу соругу 28 миэстэҕэ тахсыбыт Камчатка кыраайа уонна 22 миэстэҕэ тахсыбыт Саха сирэ эрэ толордулар.
Кини этэринэн, Приморскай кыраай үрдүк тэтими көрдөрдө – көрдөрүүтүн 21 позициянан тупсаран, 76-с миэстэттэн 55 миэстэҕэ таҕыста. Мөлтөх көрдөрүүлээх Хабаровскай кыраайга 21 позициянан таҥнары түһүү баар.
“Үлэ түмүгүнэн уокурук 11 эрэгийиэниттэн 9-һа көрдөрүүлэрин тупсардылар. Ол эрээри салгыы үлэлиэхтээхпит. Стратегическай көҕүлээһиннэр агентстволарын чахчытынан предпринимателлэр административнай ноҕурууска аччаабытын бэлиэтээбэтилэр, дьиҥэ, бу РФ бэрэсидьиэнин сорудаҕар киирэ сылдьар”, — диэн түмүктээтэ Трутнев.

Санаайа Иванова

+1
0
+1
0
+1
0
+1
0
+1
0
+1
0
+1
0