Юрий Николаев: Улахан хампаанньаларга чэпчэтии бүддьүөккэ үгүөрү үбү аҕалар (ВИДЕО)

Ааптар: 
Бөлөххө киир:

Ил Түмэн бүддьүөккэ, үпкэ, нолуок уонна сыана бэлиитикэтигэр, бас билии итиэннэ приватизация боппуруостарыгар сис кэмитиэтин бэрэссэдээтэлэ Юрий Николаев «Сэмсэ санаа» биэриигэ интервью биэрдэ.

Кини этэринэн, дьон-сэргэ билигин даҕаны ньиэби хостуур баай тэрилтэлэргэ нолуокка чэпчэтии тоҕо оҥоһулларын ситэ өйдөөбөт. Норуот дьокутаата кэмигэр сөптөөх чэпчэтии көрүллэн, Саха Өрөспүүбүлүкэтин бүддьүөтүгэр үгүөрү үп киирэр буолбутун санатар. Хампаанньалара чэпчэтиинэн туһанан, бэйэлэрин производстволарыгар, хостуулларыгар үп көрөллөр, хостуур кээмэйдэрин элбэтэллэр, ол аата судаарыстыбаҕа төлүүр нолуоктара элбиир. «Аҥардас 2021 сылга ньиэп хампаанньаларын дохуоттарыттан нолуоктара бүддьүөккэ 22 млрд. буолан киирбит», — диир кини.

Юрий Михайлович салгыы өрөспүүбүлүкэ бэйэтэ дохуотун туһунан кэпсээтэ. Аҕыс сыллааҕыга тэҥнээтэххэ бэйэ дохуота 60 млрд курдук эбиллибит.

Интервью сарсын «Саха сирэ» хаһыакка тахсар. Сотору толору видеотун угуохпут.

+1
0
+1
0
+1
0
+1
0
+1
0
+1
0
+1
0