Юрий Николаев: Саханы саха дэппит тыа сирин өйүөх тустаахпыт (ВИДЕО)

Ааптар: 
Бөлөххө киир:

Ил Түмэн бүддьүөккэ, үпкэ, нолуок уонна сыана бэлиитикэтигэр, бас билии итиэннэ приватизация боппуруостарыгар сис кэмитиэтин бэрэссэдээтэлэ Юрий Николаев «Сэмсэ санаа» биэриигэ интервью биэрдэ. Кэпсэтииттэн быһа тардыылары билиһиннэрэбит.

«Тыабыт сирэ хайдах олорор да, биһиги бары эмиэ оннук хабааннаахтык олоруохпут. Биһиги киэн туттуубутунан биһиги хороҕор муос­таахпыт, сыспай сиэллээхпит буолар. Мантан бородууксуйаны ыла үөрэннибит, ас-үөл арааһын оҥорор кыах­таахпыт», — диир кини. Кылгас видеоны көр.

Юрий Михайлович Госдуума дьокутаатыгар Галина Данчикова улаханнык махтанарын этэн аһарда. Ол курдук, Данчикова Судаарыстыбаннай Дуумаҕа бүддьүөт кэмитиэтигэр киирэн, туспа хамыыһыйаны салайан, пандемияттан сылтаан 2020 сыллааҕы бүддьүөт барылыгар Саха сиригэр кэлиэхтээх дотацияны сарбыйаары гыммыттарын тохтотон, өссө эптэрэн турар.

«Галина Данчикова курдук уопуттаах финансист хамыыһыйаны салайбытын түмүгэр, эрэгийиэннэргэ бэриллэр дотация быһыллыбатаҕа. Өссө эбиллибитэ. Онон Галина Иннокентьевнаҕа улаханнык махтанабын. Кини курдук кыахтаах киһилээх буоламмыт, өрөспүүбүлүкэ бүддьүөккэ улахан кыһарыйтарыыны көрсө илик», — диэтэ Юрий Николаев. Манна көр.

Интервью барыта бүгүҥҥү «Саха сирэ» хаһыакка ааҕаарыҥ.

+1
0
+1
0
+1
0
+1
0
+1
0
+1
0
+1
0