Суола-ииһэ суох, киин сиртэн ыраах сытар нэһилиэнньэлээх пууннарга юридическэй көмөнү оҥорорго аналлаах массыынаны ылыыга РФ бырабыыталыстыбата 100 мөлүйүөн солкуобайы көрдө. Бу туһунан бырабыыталыстыбатын дьаһала таҕыста.
Бу үбүлээһин көһө сылдьар мобильнай офис анал массыынатын ылыыга барыаҕа. Дьаһалга этиллэринэн, үбүлээһининэн туһанан 19 массыына атыылаһыллыаҕа уонна эрэгийиэннэринэн тарҕаныаҕа. Массыына исписэлиис үлэлииригэр бары өттүнэн табыгастаах гына оҥоһуллубут. Доруобуйаларынан хааччахтаах дьоҥҥо аналлаах оборудованиелар баар буолуохтаахтар. Бу маннык анал тиэхиньикэ докумуону оҥорууга, юиридическэй суһал көмө наада буоллаҕына ханна баҕарар тиийиэхтэрин сөп.
Былырыын бу бырайыагынан федеральнай бүддьүөттэн харчы көрүллэн, 30 массыына атыылаһыллан эрэгийиэннэргэ барбыта. Бу бырайыак дьоҥҥо-сэргэҕэ босхо юридическэй көмөнү биэрэр сыалтан тэриллибитэ.
Аграфена КУЗЬМИНА