Дьокуускай куоракка икки сыл иһигэр 12 култуура, үөрэх тэрилтэлэрэ дьиэнэн хааччылыннылар. Бу барыта өрөспүүбүлүкэ салалтата уонна «ВИС» хампаанньа сөбүлэһии түһэрсиилэрин үтүө түмүгэ буолар.
Биир маннык тутуунан Дьокуускайга «Ивушка» уһуйаан буолар. Юля Николаева түөрт саастаах Максима бу уһуйааҥҥа сылдьар эбит. Кини саҥа тутуу туһунан санаатын үллэстэр:
— Биһиги кыбаарталбытыгар аныгы оҕо уһуйаанын туппуттарыгар олуһун диэн үөрбүппүт. Уолбун бу уһуйааҥҥа биэрээри элбэх сырабын бараабытым. Билигин сылдьыбыппыт иккис сыла буолла. Мин таһыттан сылдьар киһи тас өттүн эрэ көрөн үөрэбин, оттон уолум Максим “үлэлиир” сирэ буолан элбэҕи кэпсиэ эбитэ буолуо. Кини наһаа астынар, дьиэтиттэн хаппырыыстаабакка кэлэр. Мин санаабар, оҕо кыра эрдэҕиттэн баай оҥоһуулаах, аныгы тутуулаах сиргэ сылдьа үөрэннэҕинэ, олоххо ирдэбилин таһыма эмиэ үрдүк буолар. Оччоҕуна оҕо ситиһиилээх киһи буола улаатар. Онон “Ивушкабытын” олус астынабыт!
Егор Карпов, «Саха сирэ» хаһыат, edersaas.ru