Маны аах Уопсастыба

«Юла» түөкүттэрэ

Соторутааҕыта Ленскэй оройуонун полициятыгар харчытын албыннаппыт дьахтартан сайабылыанньа киирбит. Ол курдук түөкүттэр баан каартатыттан 17 тыһ. солк. уорбуттар.

Ис дьыала министиэристибэтин пресс-сулууспата иһитиннэрбитинэн, эмсэҕэлээччи «Юла» сыһыарыыга оҕо оронун атыылыырын туһунан иһитиннэрии таһаарбыт. Онуоха биир киһи орону атыылаһарын туһунан кэпсэтэн, мессенджерга курьерынан хайдах ыытарын туһунан ссылка ыыппыт.  Дьахтар ыытыллыбыт ссылканан киирэн баан каартатын реквизиттарын уонна куодун суруйан ыыппыт. Бу кэмҥэ киниэхэ 5000 солкуобайы устубуттарын туһунан СМС-иһитиннэрии кэлбит. Дьахтар тоҕо маннык уһуллулар диэн атыылаһааччытыттан ыйыппыт. Ону атыылаһааччы харчыны төннөрөр туһугар өссө биир ссылкаҕа киириэхтээҕин эппит. Ол кэннэ  дьахтартан эбии  12 тыһыынча солкуобайын сойботон ылбыттар.

Ис дьыала үлэһиттэрэ баан каартатын туһунан дааннайдарын кимиэхэ да этимэҥ диэн сүбэлииллэр.

edersaas.ru

0
0

Добавить комментарий