Саха сирин олохтоохторо «Югория» страховой хампаанньа «Береги себя» уонна «AntiCovid» диэн полистары туһаныахтарын сөп буолла.
«Береги себя» страховой полис 1-65 саастаах дьоҥҥо аналлаах, биир сыллаах. Манна икки ньыманан страховкаланыахха сөп — 1390 солкуобай уона 2690 солкуобай. COVID-19 ыарыылаах госпитализацияланар түгэҥҥэ маннык полистаах киһи 5-тэн 10 тыһыынча солкуобайга диэри харчыны төнүннэриэн буолар. Оттон COVID-19 ыарыыны ыараханнык аһарынар түгэҥҥэ күн аайы 1000 солкуобай төлөнөр (120 тыһыынча солкуобайга диэри). Оттон олохтон барар түгэҥҥэ 500 тыһыынчаттан 1 мөлүйүөн солкуобайга диэри төлөнөр.
«AntiCovid» страховой полис коронавируһу кытта охсуһар үлэлээх дьоҥҥо аналлаах, алта ыйдаах. Бу бырагыраама кыттыылаахтара коронавируһунан ыарыйдахтарына 50 тыһыынча солкуобайы төннөрөр. Оттон ыарыыны ыараханнык аһарынар түгэҥҥэ 100 тыһыынча солкуобай төннөр. Олохтон барар түгэҥҥэ 1 мөлүйүөн солкуобай аймахтарга төлөнөр. Полис сыаната — 6 990 солк.
Страховой полистар туһунан сиһилии саайтан билиҥ.