Ытык Күөлгэ аҕам саастаахтары дьиэҕэ куоластаттылар

Бөлөххө киир:

РФ Төрүт Сокуонугар уларыйыылары киллэрэр куоластааһыны аҕам саастаах дьоҥҥо дьиэлэринэн сылдьан куоластаттылар. Дьаҥтан харыстыыр көстүүмнээх, мааскалаах, бэрчээккилээх, куолас угар дьааһыктаах тустаах хамыыһыйа үлэһиттэрэ ыалларынан сырыттылар.

Ирина Слепцова, олохтоох:

— Дьаҥ турбут кэмигэр аҕам саастаах дьоҥҥо, биһиэхэ, дьиэбитигэр кэлэн куоластаппыттара үчүгэйэ сүрдээх. Мин бастакыбын дьиэбэр куоластаатым. Ханнык баҕарар куоластааһын улахан суолталаах.

Лариса Эверстова, олохтоох:

— Аҕам саастаах дьоҥҥо, биһиэхэ дьиэҕэ кэлэн куоластаппыттара табыгастаах ньыма эбит. Олохтон хаалбакка, төһө да коронавирус дьаҥа турдар, тэҥҥэ хардыылаан иһэрбит бэрт. Онон пандемия кэмигэр үлэлиир куоластыыр хамыыһыйа үлэһиттэригэр махтанабын.

Ульяна Захарова, edersaas.ru

Уйгулаана Бочонина хаартыскаҕа түһэриитэ.

+1
0
+1
0
+1
0
+1
0
+1
0
+1
0
+1
0