Таатта улууһугар, Ытык Күөлгэ, саҥа баанньык дьэндэйдэ.
Нэһилиэнньэ өр сылларга туруорсубут баҕа санаатын урбаанньыт Снежана Варламова толордо. Ону сэргэ, Снежана түөрт үлэ миэстэтин аһан, бэйэтин төһүү көмөтүн оҥордо. Бу туһунан Снежана маннык кэпсээтэ:
— Үс сыл устата сүүрэн-көтөн, ыччат бэлиитикэтин бырагырааматынан граҥҥа кыттан, быйыл дьэ тиксэммин, уруккуттан ымыы оҥостубут санаабын ситтим. Баанньыкка улуус тутууга сыһыаннаах урбаанньыттара үлэлэстилэр. Улууспут уонна нэһилиэкпит аҕа баһылыктара Соров М.М.уонна Павлов Е.И.өйөөннөр, эбии үп көрөн, сир анаан, саҥа баанньык олохтоохторго анаан тутулунна. Маҥнайгы хардыыларбар Дьячковский А.П өйөөбүтэ. Ону сэргэ, Ил Түмэн дьокутаата Ефимов Я.А. бырабыыталыстыба отчуотугар тыл көтөҕөн, бу дьыала хамсаата диэххэ сөп. Баанньык кэлэр өртүгэр киин хочуолунай ситимигэр көһүөхтээх. Дьон-сэргэ үөрүүтэ, күннээҕи кыһалҕа аччааһына саамай сүрүн буоллаҕа.
Ульяна Захарова.