Кэбээйи улууһун Чагда бөһүөлэгэр олорор Алексей Егорович Кондаковка “Ытык аҕа” бочуоттаах бэлиэни туттардылар.
edersaas.ru
Муус устар 10 күнүгэр Кэбээйи улууһун баһылыга Иван Левин, Нидьили нэһилиэгин баһылыга Савва Эверстов уонна Ил Түмэн дьокутаата Михаил Эверстов үөрүүлээх быһыыга-майгыга элбэх оҕолоох аҕаны чиэстээтилэр.
Алексей Егорович 1949 сыллаахха Нидьили нэһилиэгэр төрөөбүтэ. “Кэбээйи” сопхуоска үлэтин 1957 сыллаахтан саҕалаабыта. Тырахтарыыс-машинист, сыбаарсык, механизатор идэтин ылан, 40 сылы быһа үтүө суобастаахтык үлэлээбитэ. Үс төгүл нэһилиэк сэбиэтин дьокутаатынан талыллыбыта. 1977 уонна 1983 сс. “Мукучу” сопхуоска Коммунистическай үлэ ударнига буолбута кини бэриниилээх үлэтин туоһулуур. Үлэтигэр үрдүк көрдөрүүлэрин иһин, 2002 с. “Кэбээйи улууһун социальнай-экэнэмиичэскэй сайдыытыгар тус кылаатын иһин” түөскэ кэтиллэр бэлиэнэн наҕараадаламмыта.
1972 сыллаахха ыал буолан, кэргэнэ Дария Константиновнаны кытары 10 оҕону төрөтөн, үөрэттэрэн, атахтарыгар туруордулар. Дария Константиновна 1990 сыллаахха Дьоруой Ийэ аатын ылбыта. Кондаковтар оҕолоро бары орто, үрдүк үөрэхтэнэннэр, идэ ылан, ыал буолан, оҕолонон-урууланан араас улуустарга тарҕанан олороллор, араас эйгэҕэ үлэлииллэр. Кинилэр ийэлээх аҕалара үгүс эдэр ыалга холобур буолар кыахтаахтар.
Ангелина Васильева, “Саха сирэ” хаһыат, edersaas.ru