Бүгүн социальнай ситимнэргэ “Дьокуускайга 1200 бэйдиэ ыты “Помоги выжить” пуунтан көҥүл ыытар буолбуттар, онон бары сэрэниҥ!» диэн ис хоһоонноох сурах киэҥник тарҕанна. Бу сурах чахчытын билээри пуун дириэктэрэ Екатерина Безрученкоҕа сибээскэ таҕыстыбыт:
— Бастатан туран, миэхэ пууммар 1200 ыт суох. Быһа холоон тыһыынча кэриҥэ ыт баар. Иккиһинэн, социальнай ситимҥэ тарҕаммытын истэн бэйэм да соһуйа олоробун. Ыттары көҥүл ыытар былаан суох. Хата, төттөрүтүн ыттары киирбит сайаапкаларынан тутуу үлэтэ күүстээхтик бара турар. Ону сэргэ, бу өрөбүллэргэ ыттарбытыгар саҥа улахан бөлөҕүнэн турар вольер тутуллан бүтүөхтээх. Саҥа оҥоһуллубут 250 вольеры билиҥҥитэ биһиги аахта оҥорсон тута иликпит, ыстандаарка эппиэттээбэт.
Онон борокоротуура көрөн, ыстандаарка эппиэттээбэт вольердар сыыһаларын-халтыларын көннөрөргө дьаһайбыта. Оҥорбут тэрилтэ хаһан ону ылсан оҥорорун билбэппин. Ыттарбыт бары син батан, улахан вольердарга үөрдүһэн тураллар. Өссө иккис улахан вольеры оҥорору былаанныыбыт.
Онон Дьокуускай куорат олохтоохторо, куттанымаҥ, биир да ыт көҥүлгэ ыытыллыа суоҕа.
Ульяна ЗАХАРОВА.