Ыт кэнниттэн хомуйбат хаһаайыттары ыстарааптыахтара

Бөлөххө киир:

Өрөспүүбүлүкэбитигэр бэйдиэ сылдьар ыттар кыһалҕаларын таһынан аны хаһаайыннаах ыттар кыһалҕалара кыһарыйар. Куораппыт олохтоохторугар, оҕо доруобуйатыгар куһаҕан салгын, сыт-сымар дьайыа суохтаах.

Өрөспүүбүүкэбитигэр ыам ыйын 17 күнүттэн хаһаайыттар ыттарын кэнниттэн хомуйбат буоллахтарына, ыстарааптаныахтара. Бу туһунан СӨ Бэтэринээрийэҕэ департаменын салайааччы Петр Петров иһитиннэрдэ:

— Ыты иитии уонна сөптөөхтүк тутуу иһин быраабылаҕа административнай эппиэтинэс сүктэрилиннэ. Ол курдук, манна хаһаайыннаах ыты босхо ыытыы иһин, ыт кэнниттэн кири-хоҕу хаалларыы, ону хомуйбат буолуу иһин ыстараап олохтонно. Бастаан ыстарааптаныы иһин 1,5 тыһыынча солкуобай, иккис ыстарааптааһыҥҥа 3-5 тыһыынча солкуобайга тиийэ буолуоҕа.

Бу дьиэ кыылын иитии, тутуу ыстатыйата бары нэһилиэнньэлээх пууннарга үлэлиир. Онон киин сайдыылаах сирдэр курдук, ыты «тахсан киллэрэн баран» кэнниттэн хомуйар буоллахха, ыарыы тарҕаныыта да, култуура  таһыма  да үрдүө этэ.

Петр Лукич бэлиэтииринэн, өскөтүн хаһаайын ытын кэнниттэн хомуйбат буоллаҕына, участковайга сайабылыанньа суруйан, ол матырыйаалы иниспиэктэргэ ыыттаран, ыстараап төлөттөрүөххэ сөп.

Ульяна ЗАХАРОВА.

+1
0
+1
0
+1
0
+1
0
+1
0
+1
0
+1
0