Ыт босхо сылдьара көҥүллэммэт!

Бөлөххө киир:

2021 сылга дьэллик сылдьар ыттартан эмсэҕэлээбит дьон үнсүүлэригэр олоҕуран, Россельхознадзор Саха сиринээҕи салаатыгар элбэх дьыала көрүллүбүт.  Статистика көрдөрөрүнэн, сылын аайы дьэллик уонна хаhаайыннаах ыттар босхо сылдьан,  дьоҥҥо түһэн ытырыылара элбээбит.

Дьыаланы көрүү түмүгүнэн, ыттар хаhаайыннарыгар административнай миэрэлэр ылыллыбыттар. Олоххо киирбит сокуоннарынан (№ 498-ФЗ «Об ответственном обращении с животными и о внесении изменений в отдельные законодательные акты Российской Федерации»; № 131-ФЗ «Об общих принципах организации местного самоуправления в Российской Федерации»; № 389 «Порядок осуществления деятельности по обращению с животными без владельцев на  территории Республики Саха (Якутия)») олохтоох дьаhалта хаhаайына суох, дьэллик барбыт ыттары  дьаһайар бырааптаах.

Россельхознадзор ыттаах ыалларга манныгы санатар:

—  Ыт босхо сылдьара көҥүллэммэт, анал хаайыыга эбэтэр баайыга туруохтаах;
—   Ветеринарнай сулууспаҕа ыттар регистрацияны ааhаллара булгуччулаахтык ирдэниллэр;
—  Ыт сыл аайы иириини утары быһыыны ылара булгуччулаах.

Агата Павлова,  Россельхознадзор Саха сиринээҕи салаатын инспиэктэрэ.

+1
0
+1
0
+1
0
+1
0
+1
0
+1
0
+1
0