Дьокуускай куоракка ааспыт нэдиэлэҕэ бэйдиэ сылдьар ыттары тутуу үлэтэ ыытыллыбыт. Дьокуускайга уонна Жатайга уопсайа 123 бэйдиэ сылдьар ыттары тутан кыыллары быстах кэмҥэ тутар пууҥҥа аҕалбыттар.
Бу пуун салайааччыта Екатерина Безрученко иһитиннэрбитинэн, билиҥҥи туругунан, пууҥҥа 423 кыыл баар. Былаан быһыытынан, 91 кыылга ииримтийиини утары быһыы оҥоһуллубут. 29 кыылы төрөөбөт-ууһаабат гына ыраастаабыттар уонна аттаабыттар.
Маны таһынан, бу нэдиэлэҕэ 40 чиптээх ыт пуунтан тахсарга бэлэмнэнэр. Пуун үлэтин сүнньэ — ыттары тутуу, ыраастааһын уонна быһыы туруоруу. Бэлиэтээн эттэххэ, ааспыт нэдиэлэҕэ Дьокуускайга 15 киһи ыкка ытыттаран травмпууҥҥа көрдөрбүт. Онтон 10 ыт хаһаайыннаахтара биллибит.
Ульяна Захарова, «Саха сирэ» хаһыат, edersaas.ru
Хаартыска — СИА.
+1
+1
+1
+1
+1
+1
+1