Арассыыйа Федерациятын 2010 сыл сэтинньи 27 күнүнээҕи “Об организации в Российской Федерации системы федеральных статистических наблюдений по социально-демографическим проблемам и мониторинга экономических потерь от смертности, заболеваемости и инвалидизации населения” диэн уураахха олоҕуран, быйыл балаҕан ыйыгар уонна алтынньыга Арассыыйа бары субъектарыгар нэһилиэнньэ олоҕун усулуобуйатын кэтээн көрүөхтэрэ. Манна уопсайа 60 тыһ. дьиэ хаһаайыстыбатын хабыахтара.
Бу тэрээһин ыал олоҕун усулуобуйаларын билэр, чөл олоҕу тутуһууга, оҕону иитиигэ, сайыннарыыга, олорор сири саҥардыыга туох наадатын о.д.а. статистическай чахчылары хомуйар сыалтан ыытыллар.
Нэһилиэнньэни кытта үлэ балаҕан ыйын 15-29 күннэригэр буолуоҕа.
Росстат чинчийии оҥороругар анаан 18 учаастагы талла: 11 куорат иһигэр, 7 тыа сиригэр. 16 нэһилиэнньэлээх пууҥҥа баар 486 дьиэ хаһаайыстыбата кыттыыны ылыаҕа, ол курдук:
- 297 дьиэ хаһаайыстыбата куорат иһигэр – Дьокуускай, Мирнэй, Нерюнгри, Алдан, Бүлүү уонна Айхал, Чульман, Хаандыга, Депутатскай куорат тииптээх бөһүөлэктэр;
- 189 дьиэ хаһаайыстыбата тыа сиригэр – Сунтаар, Өлүөхүмэ, Бүлүү, Уус Алдан, Нам, Мэҥэ Хаҥалас уонна Муома.
Кэтээн көрүү туһунан сиһилии 8(4112) 42-41-63 төлөпүөнүнэн билсиэххитин сөп.
Саха сиригэр маннык кэтээн көрүүнү төрдүс төгүлүн ыыталлар: 2011, 2014, 2016 сылларга эмиэ 486 дьиэ хаһаайыстыбатын хаппыттара. Ол түмүктэрин http://stat.sakha.gks.ru/interesno/knuz.html саайтка «Это интересно-Итоги комплексного наблюдения условий жизни населения Республики Саха (Якутия)» рубрикаҕа ааҕыаххытын сөп.
Оччолорго нэһилиэнньэ сүрүн кыһалҕаларынан суол туругун, суолга кутталлаах быһыы-майгы тахсарын, тулалыыр эйгэ киртийиитин, уопсастыбаннай тырааныспар мөлтөх сырыытын, арыгылааһыны ыйбыта.