Бүгүн бэс ыйын саҥатыгар, айылҕабыт анаан бэлэмнээбит күнүгэр Уус Алдан улууһун Тулуна нэһилиэгин кырачааннарыгар самаан сайыны көрсө «Оҕо ыһыаҕын» ыстыбыт. Ыһыахпыт, алгысчыт сэттэ кыталык кыыһы, тоҕус туруйа уолу кытта киирэн алгыс тылын этэн, Аан Алахчын хотунтан көрдөһөн, сири-уоту аһатыытыттан саҕаланна.
edersaas.ru
Салгыы бөлөхтөрүнэн парааттаан, оҕо-аймах ыһыаҕын эҕэрдэ кэнсиэрэ, төгүрүччү илии-илииттэн ылсан оһуокайдаан, түһүлгэҕэ бары бииргэ аһаан ыһыахпыт бастакы чааһын түмүктээтибит.
Ыһыахпыт иккис чааһыгар “Саха маанылаах таҥаһа”, “Сахалыы муусука үстүрүмүөнэ”, “Сахалыы спорт ооонньуута” күрэстэр оҕолорбут, төрөппүттэрбит ыһыахха анаан оҥостон кэлбиттэрин туоһулаата. Үгэс быһыытынан, оҕолор этэрбэс быраҕыытыгар, сүүрүүгэ, мас тардыһыытыгар, “Боотур” уолаттар күрэхтэһиилэригэр кытыннылар. Ийэ, аҕа, эбээ, эһээ долгуйан “ыалдьар” хаһыылара өргө диэри дуорайда. Күрэс кыайыылаахтара мэтээл кэтэн, бириис ылан, илии тутуурдаах, өттүк харалаах дьиэлэригэр үөрэн-көтөн тарҕастылар.
edersaas.ru сайтка анаан Татьяна ВАСИЛЬЕВА.
+1
+1
+1
+1
+1
+1
+1