Бэрээдэк

Ыстарааптан куотунуу иһин булгуччулаах үлэлэргэ уураахтаммыт

Ыстараабын болдьоммут кэм иһигэр төлөөбөтөх иэстээх киһини, суут бириистэптэрэ административнай эппиэккэ тардыбыттар. Суут сокуону кэһээччини буруйун боруостууругар булгуччулаах үлэлэри анаабыт.

2021 с. алтынньыга Мииринэй улууһун суут бириистэбин салаата 30 000 солк. суумалаах административнай ыстараабы төлүүргэ биллэрбит. Сокуону кэһээччигэ РФ КоАП 1 ст. 12.8 КоАП ыстатыйанан (итирик туруктаах массынаны ыытыы) ыстараап анаммыт.

Сокуонунан олохтоммут болдьоххо ыстараап төлөммөтөх. Суут бириигэбэрин толорууттан куотунуу иһин РФ КоАП 20.25 ыстатыйатынан административнай боротокуол оҥоһуллубут. Мировой судьуйа уурааҕынан бу гражданин буруйдааҕынан билинниллибит, киниэхэ 20 чаас болдьохтоох булгуччулаах үлэ быһыытынан саҥа накаастабыл анаммыт.

Бүгүҥҥү күн туругунан суукка тардыллыбыт иэстээх гражданин оҥоһуллубут үлэ туһунан туоһуламмыт таабылы аҕалбыт ону таһынан иэһин толору төлөөбүт.

СӨ ФССП салалтата сэрэтэр: административнай ыстараабы кэмигэр төлөөбөт буолуу туспа административнай буруйу оҥоруунан ааҕыллар.
Арассыыйа Административнай кодексын 20.25 ыст. этэринэн анаммыт ыстарааптан куотунуу ыстараап икки бүк кээмэйинэн накаастаныллар (ол эрээри 1 тыһыынча солк. итэҕэһэ суох), эбэтэр 15 сууккаҕа административнай арест ууруллар, эбэтэр 50 чааска тиийэ булгуччулаах үлэлэр ананаллар.

«Саха сирэ» хаһыат, edersaas.ru

Хаартыска legal.report

0
0
Telegram @edersaas20