Спорт национальнай көрүҥнэригэр спартакиада иккис күнүгэр атах оонньооччулар ыстаҥаҕа илин-кэлин түһүстүлэр. Бэҕэһээ кылыыга кыайыы көтөллөммүттэр бүгүн ыстаҥаҕа эмиэ бастыҥ көрдөрүүлэннилэр.
Ол курдук, кыргыттарга Диана Адасько (Дьокуускай), уолаттарга Петр Филиппов (Мэҥэ Хаҥалас), эр дьоҥҥо Иван Пестряков (Уус Алдан), бэтэрээннэргэ Сергей Кривошапкин (Кэбээйи) ыстаҥаҕа эмиэ иннилэригэр кими да түһэрбэтилэр. Арай дьахталларга кылыыга иккис буолбут Юлия Кобякова (Нам) бүгүн ыстаҥаҕа бастаата.
Хаҥаластан кыттыбыт, быйылгы «Дыгын оонньууларын» кыайыылааҕа Егор Филиппов, бириистээх миэстэҕэ тиксибэтэҕин бэлиэтэххэ сөп.
Ыстаҥаҕа ХХ-с Манчаары Оонньууларын кыайыылаахтарынан буоллулар:
уолаттарга —
1 Петр Филиппов (Мэҥэ Хаҥалас),
2. Александр Нечаев (Дьокуускай),
3. Борис Строев (Чурапчы);
эр дьоҥҥо —
1. Иван Пестряков (Уус Алдан),
2. Виталий Васильев (Ньурба)
3. Кай Адамов (Чурапчы);
бэтэрээннэргэ —
1 Сергей Кривошапкин
2 Евгений Григорьев (Бүлүү)
3 Захар Ефремов (Ньурба);
дьахталларга —
1 Юлия Кобякова (Нам)
2 Любовь Унарова
3 Сайаана Уваровская (ХИФУ);
кыргыттарга —
1 Диана Адасько (Дьокуускай)
2 Сайаана Батарина (Чурапчы)
3 Светлана Макарова (Бүлүү).
Роман Попов, «Саха сирэ» хаһыат.